ឯក ឧត្តម អ៊ុន ចាន់ដា អភិបាលខេត្តព្រះវិហារ ចុះ ត្រួតពិនិត្យបទល្មើសខ្សែរបន្ទាត់ព្រំដែន កម្ពុជា ថៃ ឡាវ

ព្រះវិហារ៖ នៅថ្ងៃទី១៦ ខែកុម្ភុះ ឆ្នាំ២០១៧ កំលាំងគណៈបញ្ជាការឯកភាពខេត្តព្រះវិហារ
ដែលមាន ឯកឧត្តម អ៊ុន ចាន់ដា ជាប្រធានគណៈបញ្ចាការឯកភាព បានដឹកនាំកម្លាំងចុះត្រួត
ពិនិត្យបញ្ជាបទល្មើស ដែលកើតមាននៅតាមខ្សែរបន្ទាត់ កម្ពុជា ថៃ ឡាវ ដែលមានព្រំប្រទល់
ជាប់គ្នា។ នៅក្នុងការត្រួតពិនិត្យនោះដែរ មានការចូលរួមសហការកំលាំងបញ្ជាការដ្ឋានកងរាជ
អាវុធហត្ថខេត្តព្រះវិហារ និង កំលាំងកងពលធំអន្តរាគមន៍លេខ៣ និងអជ្ញាធរស្រុកជាំក្សាន្តនិង
ស្រុកឆែប។
បានឃើញរយះពេលកន្លងមក តាមខ្សែរបន្ទាប់ព្រំដែនដែលមានកើតបទល្មើសជាច្រើនប្រភេទ
\ដូចជា បទល្មើសកាប់បំផ្លាញព្រៃឈើ បទល្មើសឆ្លងដែន ចូលកាប់ឈើនៅប្រទេសថៃ បទល្មើស
ជួញដូរគ្រឿងញៀននិងបទល្មើសផ្សែងៗទៀត។ ហើយឯកឧត្តម អ៊ុន ចាន់ដា អភិបាលនៃគណៈ
អភិបាលខេត្តព្រះវិហារ បានសង្កត់ធ្ងន់ទៅលើកំម្លាំងដែលឈរជើងការពារតាមខ្សែរបន្ទាត់ព្រំដែន
ធ្វើយ៉ាងណាត្រូវរួមគ្នាបង្ក្រាបរាល់បទល្មើសផ្សេងៗដូចជា កាប់បំផ្លាញព្រៃឈើ ឆ្លងដែនទៅកាប់ឈើ
គ្រូញូងខុសច្បាប់ បទល្មើសគ្រឿងញៀនជាពិសេសគឺល្បែងស៊ីសងគ្រប់ប្រភេទ ដើម្បីរក្សាបាននៅ
សន្តិសុខ សណ្តាប់ធ្នាប់ សុវត្ថិ ភាព និងស្ថេរភាព ជូនបងប្អូនប្រជាពលរដ្ឋ ដែលរស់នៅតាមបន្ទាត់ព្រំ
ដែនផង។
ប៉ុន្តែទោះជាយ៉ាងណាក៏ដោយប្រជាពលរដ្ឋនៅខេត្តព្រះវិហារក៏ដូចជានៅស្រុក ជាំក្សាន្ត សុំសំណូមពរ
ដល់ ឯកឧត្តម អភិបាលខេត្ត មេត្តាជួយពិនិត្យមើលក្រុមហ៊ុន មួយចំនួនតូចដែលកំពុងតែរុករានកាប់បំផ្លាញ
ព្រៃឈើយ៉ាងរំភើបដោយគ្មានកោតខ្លាចអ្វីទាំងអស់ ហើយប្រជាពលរដ្ឋចេះតែនាំគ្នាដាក់ការសង្ស័យថាអាច
មានឃុបឃិតពីសំណាក់អាជ្ញធរមូលដ្ឋាន ឬក៏មន្រ្តីជំនាញក៏ថាបាន ដូចេ្នះប្រជាពលរដ្ឋពឹងផ្អែកទៅលើ ឯកឧត្តម
អភិបាល នៃគណៈអភិបាលខេត្តព្រះវិហារទើបក្រុមហ៊ុនមួយចំនួនតូចនោះឈប់កាប់ព្រៃឈើរុករានបន្តទៅមុចទៀត៕
ដោយោះ សុខ សាវ៉េត