ខេត្តរតនគីរី ៖ តាមសេចកី្តរាយការណ៍ពីភ្នាក់ងារប្រចាំខេត្តរតនគីរីបានឲ្យដឹងថា
មានរថយន្តតូចធំ ម៉ូតូដឹកឈើដូចតារារះនាពេលរាត្រីគា្មន សមត្ថកិច្ចណាហ៊ាន
បង្រ្កាបឡើយឃើញតែស្ថាប័នពាក់ព័ន្ឋមួយចំនួនតូចប្រហែលជាអាចឃុបឃិត
ជាមួយក្រុមឈ្មួញរកស៊ីដឹកឈើ ហើយសេចក្តីរាយការណ៍បានបន្ថែមទៀតថា
មួយថ្ងៃៗមានឡានតូចធំម៉ូតូដឹកឈើជាច្រើនពីស្រុកវ៉ើនសៃ ដោយឆ្លងកាត់
ស្រុកអូរជុំចូលមកទុកក្នុងឃ្លាំងឋិតនៅភូមិភ្នំស្វាយសង្កាត់បឹងកន្សែងក្រុងបាន
លុងខេរតនគិរីរួចដឹកបន្តតាមរថយន្តសាំយ៉ុងយកទៅលក់នៅប្រទេសវៀតណាម
ដោយឆ្លងកាត់ច្រកទ្វារអន្តរជាតិអូរយ៉ាដាវជាក់ស្តែងការពីព្រឹកថ្ងៃទី ១៨ ខែ កុម្ភះ
ឆ្នាំ២១០៧ និង ថ្ងៃទី១៩ ខែ កុម្ភះ ឆ្នាំ ២០១៧នេះ គឺជាសកម្មភាពដឹកជញ្ជូនឈើ
យកទៅលក់នៅប្រទេសវៀតណាមជារៀងរាល់ថ្ងៃ។
បើតាមប្រភពពីអ្នករកស៊ីឈ្មួលដឹកឈើតាមម៉ូតូបានលួចខ្សឹបប្រាប់ថា ការរកស៊ី
ដឹកឈើយកមកលក់ឲ្យថៅកែឈើនេះនៅចំណុចភ្នំស្វាយនេះ គឺឈ្មួញឈើបាន
សហការយ៉ាងល្អជាមួយមន្រ្តីជំនាញពាក់ព័ន្ឋក៏ដូចជា ស្ថាប័នពាក់ព័ន្ឋហើយអស់
ដែរបើពុំដូច្នេះទេ មិនអាចដំណើរបានកក្នុងការដឹកជញ្ជូនឈើយកទៅលក់នៅ
ប្រទេសវៀតណាមបានឡើយ។តាមប្រភពពីប្រជាពលរដ្ឋនៅខេត្តរតនគីរីបានរិះ
គន់ទៅលើស្ថាប័នពាក់ព័ន្ឋថា អសមត្ថភាពក្នុងការបង្រ្កាបឬមួយយ៉ាងណា?។
មានការបង្រ្កាបបទល្មើសឈើមួយកន្លែងស្ថិត ដែនសត្វព្រៃលំផាត់ដែលល្បីឡ្បាញ
ថាមានការកាប់ទន្រ្ទានដីព្រៃរាប់ពាន់ហិចតាគ្មានការបង្រ្កាបនោះ ឥឡូវត្រូវ
បានកំលាំងសមត្ថកិច្ចចំរុះបានរឹបអូសឈើបានចំនួន៤២៣កំណាត់ សុទ្ឋសឹង
ជាឈើប្រណិតៗផងដែរ៕
