សន្និសីទសារព័ត៍មានស្តីពី. ដំណើរឆ្ពោះទៅកិច្ចប្រជុំកំពូលសៀមរាប-អង្គរស្តីពីពិភពលោកមួយដែលគ្មានមីន.

នៅទីស្តីការ÷អាជ្ញាធរមីនបានរៀបចំសន្និសីទសារព័ត៍មានស្តីពី”វឌ្ឍនភាពឆ្ពោះទៅកិច្ចប្រជុំត្រួតពិនិត្យឡើងវិញ លើកទី៥ឬកិច្ចប្រជុំកំពូលសៀមរាប-អង្គរ ស្តីពីពិភពលោកមួយដែលគ្មានមីន។
ពិធីនេះប្រព្រឹត្តទៅក្រោមអធិបតីភាពឯកឧត្តមបណ្ឌិត លី ធុជ ទេសរដ្ឋមន្រ្តីទទួលបន្ទុកបេសកកម្មពិសេស អនុប្រធានទី១អាជ្ញាធរមីននិងជាប្រធានអនុសញ្ញាអូតាវ៉ាឆ្នាំ២០២៤។
ឯកឧត្តមបណ្ឌិត លី ធុជ បានថ្លែងថាប្រទេសកម្ពុជាមានកិត្តិយសដែលបានក្លាយទៅជាប្រទេសដំបូងគេនៅអាសុីប៉ាសុីហ្វិក ក្នុងការធ្វើជាប្រធាននិងជាម្ចាស់ផ្ទះរៀបចំកិច្ចប្រជុំកំពូលបន្ទាប់ពីអនុសញ្ញាអូតាវ៉ាអស់រយ:ពេល២៥ឆ្នាំកន្លងមកនេះ។
កិច្ចប្រជុំកំពូលសៀមរាប-អង្គរស្តីពីពិភពលោកគ្មានមីននឹងបានការអញ្ជើញចូលរួមពីបណ្តាលប្រទេសនិងអង្គការពាក់ព័ន្ធអនុសញ្ញាអូតាវ៉ាចំនួន១៥០ប្រទេស ហើយកិច្ចប្រជុំនេះក៏ជាកិត្តិយសដ៏ឧត្តុងឧត្តមផងដែរសំរាប់ប្រទេសកម្ពុជាហើយបានបង្ហាញពីតួនាទីដ៏សំខាន់របស់កម្ពុជាក្នុងនាមជាប្រទេសដែលធ្លាប់រងគ្រោះដោយសារសង្រ្គាមនឹងគ្រាប់មីនក្នុងការចូលរួមលុបបំបាត់គ្រាប់មីននៅលើសកលលោក។
កិច្ចប្រជុំនេះនឹងចាប់ផ្តើមពីថ្ងៃទី២៥ខែវិច្ឆកាដល់ថ្ងៃទី២៩ខែវិច្ឆកាឆ្នាំ២០២៤នៅលើទឹកដីអង្គរខេត្តសៀមរាបនៃកម្ពុជាដែលធ្លាប់រងគ្រោះយ៉ាងខ្លោចផ្សាដោយសារសង្រ្គាមនិងគ្រាប់មីន។
ក្នុងនាមជាប្រធានអនុសញ្ញាអូតាវ៉ានិងជាម្ចាស់ផ្ទះរៀបចំកិច្ចប្រជុំកំពូលជាមួយប្រទេសអនុសញ្ញាអូតាវ៉ានិងដៃគូពាក់ព័ន្ធកម្ពុជានឹងជជែកពិភ្សាដើម្បីឈានឆ្ពោះទៅកាន់ពិភពលោកមួយគ្មានមីនដែលជាការនាំមកនូវភាពសុខសានសំរាប់មនុស្សជាតិទាំងមូល។
ព្រឹកថ្ងៃពុធទី៥រោចខែកត្តិកឆ្នាំរោង ឆ-ស-ព-ស២៥៦៨ ត្រូវនឹងថ្ងៃពុធទី២០ខែវិច្ឆកាឆ្នាំ២០២៤។/