កោះកុង ៖ ក្រុមប្រជាពលរដ្ឋ ក៏ដូចជាអ្នកនេសាទ បានឲ្យដឹងថា ពេលនេះ
អ្នកមានលុយម្នាក់ឈ្មោះ សំ វរះ យកគ្រឿងចក្រឈូសឆាយនិងចាក់លុប
ដីព្រៃលិចទឹក ព្រៃកោងកាង ដែលត្រូវបានគេអភិរក្សជាជម្រកក្ដាមខ្យងត្រី
ពងកូនដែលពួកគាត់អាស្រ័យផលនេសាទជាលក្ខណៈគ្រួសារជារាងរាល់ឆ្នាំ ។
ក្រុមអ្នកភូមិបានលើកឡើងថា ផ្ទៃដីជាច្រើនហិកតា នៅតាមបណ្តោយឆ្នេរព្រែក
ភូមិស្មាច់មានជ័យ សង្កាត់ស្មាច់មានជ័យ ក្រុងខេមរះភូមិន្ទ ត្រូវបានអ្នកមានលុយ
បោះបង្គោលព័ទ្ធយកយ៉ាងអនាធិបតេយ្យ ចំណែក អាជ្ញាធរនិងមន្ត្រីពាក់ព័ន្ធ
ហាក់ដូចជាពុំមានវិធានការទប់ស្កាត់ឡើយ ។
លោកសំ វរះ ដែលប្រជាពលរដ្ឋចោទនោះ បានអះអាងថាខ្លួនមានប្លង់ត្រឹមត្រូវ
រីឯខាងមន្ត្រីមន្ទីរសុរិយោដីខេត្តបានមានប្រសាសន៍ថា តំបន់ព្រៃលិចទឹកខាងលោក
ពុំមានចេញច្បាប់ឲ្យនៅឡើយពាក់ព័ន្ធករណីនេះ លោក ភូ វិបុល អភិបាលក្រុង មិន
អាចទាក់ទងបានទេតាមទូរស័ព្វរីឯលោក ឡាង គី រី មន្ទីរជលផលខេត្ត បានមាន
ប្រសាសន៍ថាប្រហែលដីគេមានប្លង់ ហើយគេចាក់ដីលុបនេះដើម្បីអភិវឌ្ឃន៍
ចំណែក លោក ម៉ម ផល្លា ប្រធានមន្ទីរបរិស្ថានខេត្តកោះកុង បានបំភ្លីតាម ទូរស័ព្ទថា
នេះជាតំបន់ការគ្រប់គ្រងរបស់អាជ្ញាធរក្រុងនិងភូមិបាល មិនមែនជាតំបន់អភិរក្សរបស់លោកទេ ៕
ដោយង៉ែត សុគន្ធី