ខេត្តកោះកុង៖នៅព្រឹកថ្ងៃទី២៧ ខែមិនា ឆ្នាំ២១០៧ ឯកឧត្តម ប៊ុន លើត អភិបាល នៃគណ:អភិបាលខេត្ត
ដឹកនាំមន្ត្រីសាលាខេត្តក្រោមឱវ៉ាតមួយចំនួន បានអញ្ជើញចុះបើកការដ្ឋន ជួសជុលផ្លូវបេតុងអាមេ ចំនួន៧ខ្សែ នៅក្នុងភូមិស្មាច់មានជ័យ សង្កាត់ស្មាច់ មានជ័យ ក្រុងខេមរ:ភូមិន្ទ ខេត្តកោះកុង។
ក្នុងពិធីនោះមានការចូលរួមពីប្រធានមន្ទីរក្នុងខេត្តមួយចំនួនផងដែរ និងប្រជាពលរដ្ឋក្នុងភូមិស្មាច់មានជ័យ ប្រមាណជិត ១០០នាក់។
ឆ្លៀតក្នុងឱកាសនោះដែរ ឯកឧត្តម ប៊ុន លើត មានប្រសាសន៍ថា ផ្លូវក្នុងភូមិស្មាច់មានជ័យ ដែលកំពុងចាប់ផ្ដើមដំណើរការជួសជុលផ្លូវចាស់ អោយទៅ ជាផ្លូវបេតុងអាមេ ចំនួន៧ខ្សែនេះ ដើម្បីអោយប្រជាពលរដ្ឋងាយស្រួលក្នុងការធ្វើចរាចរណ៍។
ព្រោះផ្លូវប៉ុន្មានខ្សែខាងលើនេះ ខេត្តមើលឃើញថាមួយរយះកន្លងមកនេះ បងប្អូនប្រជាពលរដ្ឋពិបាកធ្វើដំណើរ ជាពិសេសនៅរដូវវស្សា ។
នាពេលនោះផងដែរ ឯកឧត្តម ប៊ុន លើត អភិបាលខេត្ត បានមានប្រសាសន៍ផ្ដាំផ្ញើរ ដល់ប្រជាពលរដ្ឋក្នុងភូមិ ស្មាច់មានជ័យថា សូមបងប្អូនប្រជាពលរដ្ឋទាំងអស់ ចេះជួយថែរក្សានិងការពារបរិស្ថានទាំងអស់គ្នា ដើម្បី សុខមាលភាពយើងគ្រប់ៗគ្នា។
លោកផៃ ធូន អភិបាលខេត្តរងបានមានប្រសាសន៍ ថា គម្រោងជួសជុលផ្លូវចាស់អោយទៅជាផ្លូវបេតុង អាមេចំនួន៧ខ្សែដែលនៅក្នុងភូមិស្មាច់មានជ័យនេះ គឺមានប្រវែងសរុប៣,១០០ម៉ែត្រ ទទឹង៥ម៉ែត្រ និង កម្រាស់០,១៥ម៉ែត្រ។
អស់ថវិការចំនួន បីពាន់លានរៀល៕ ដោយង៉ែត សុគន្ធី
