ខេត្តរតនគិរី ៖ មេឈ្មួញ២នាក់បងប្អូនគឺឈ្មោះ វ៉ាន់ ចាន្នី ហៅចែច្រឹប ដែលមានប្តីឈ្មោះ មិន ថុន ហៅ ខ្លាធំ ជានាយនគរបាល ប៉ុស្តិ៍ច្រកខ្លាធំ និងឈ្មោះថាន បានជួលកម្មករពីប្រទេសវៀតណាម ប្រមាណជាង១០០នាក់ បាននិងកំពុងចាប់ផ្តើមធ្វើសកម្មភាពកាប់ឈើឡើងវិញហើយ ។
សេចក្តីរាយការណ៍ឲ្យដឹងថាការកាប់បំផ្លាញព្រៃឈើ នៅ ដែនជម្រកសត្វព្រៃលំផាត់ពេលនេះបានចាប់ផ្តើមកក្រើកឡើងវិញម្តងទៀតប្រដាប់ដោយរណាយន្តដែលមានសម្លេងស្ងាត់ រួមទាំងគោយន្តសម្រាប់ដឹកឈើចេញជាច្រើនគ្រឿងទៀត គឺស្ថិតនៅ ចំណុចអូរបោក អូរច្រាប អូរផ្តៅ ក្នុងភូមិ-ឃុំសមុទ្រសេដាលើនិងសមុទ្រសេដាក្រោម ជាពិសេសក្រុមឈ្មួញ បានរៀបចំ ឃ្លាំងសម្រាប់ស្តុកឈើដែលពួកគេបានកាប់លាក់ទុកនៅទីនោះដើម្បីដឹកបន្តទៅប្រទេសវៀតណាម ។
ប្រភពបានអោយដឹងថាមេឈ្មួញជួញឈើខុសច្បាប់២នាក់បងប្អូនគឺឈ្មោះ ច្រឹប ប្តីឈ្មោះ ថុន ហៅ ខ្លាធំ មេប៉ុស្តិខ្លាធំនិងឈ្មោះ ថាន នៅតែឈលំដាប់ជួរមុខ ក្នុងការកាប់បំផ្លាញ ព្រៃកំពុងតែដាក់មេការជាជនជាតិវៀតណាមសម្រាប់មើលការខុសត្រូវ និងដឹកឈើ ទៅកាន់ប្រទេសវៀតណាម ដែលមានឈ្មោះ ឡែប និងទុងបានដាក់គ្រឿងចក្រនិងកម្មករ មានទាំងខ្មែរ និងវៀតណាមពេញព្រៃ សហគមន៍ ក្នុងស្រុកលំផាត់បន្តដល់ស្រុកអូយ៉ាដាវ ខេត្តរតនគីរី កាប់បំផ្លាញព្រៃឈើយ៉ាងអនាធិបតេយ្យ ដោយគ្មានការហាមឃាត់ពីសំណាក់សមត្ថកិច្ច រួមទាំងអាជ្ញាធរណាមួយនោះឡើយ ។
ក្នុងការបង្ក្រាបជំនួញ ឈើខុសច្បាប់ក្នុងខេត្តរតនគិរីនោះទេហើយពេលចូលកាន់តំណែង ជានាយខណ្ឌរដ្ឋបាលព្រៃឈើខេត្តរតនគិរី និងប្រធានមន្ទីរបរិស្ថានខេត្តរតនគិរីកន្លងមកនេះ គេសង្កេតឃើញថា មន្ត្រីក្រោមបង្គាប់ ចេញប្រតិបត្តិការបង្ក្រាបការដឹកជញ្ជូនឈើខុសច្បាប់ របស់ ឈ្មួញតូចតាចមួយចំនួនយកប៊ុង ប៉ុន្តែមិនដែលហ៊ាន ប៉ះពាល់ជំនួញឈើខុសច្បាប់ទ្រង់ទ្រាយធំ របស់ ស្រី ច្រឹប ម្តងណាឡើយ។
គេមិនដឹងច្បាស់ថា មេឈ្មួញជួញឈើខុសច្បាប់ឈ្មោះ ច្រឹប ប្តីឈ្មោះ ថុន ហៅ ខ្លាធំ មេប៉ុស្តិខ្លាធំ និងឈ្មោះ ថាន បានធ្វើសកម្មភាពរានដីព្រៃ កាប់បំផ្លាញព្រៃឈើនិងដឹកជញ្ជូន ឈើខុសច្បាប់ឆ្លងទៅវៀតណាមឡើងដុះស្លែទៅហើយ គ្មានការបង្ក្រាបពីមន្ត្រីជំនាញនិងសមត្ថកិច្ចពាក់ព័ន្ធនោះទេ ព្រោះតែបញ្ហាផលប្រយោជន៍។ហើយគេមិនច្បាស់ទេថាតើក្រុមឈ្មួញទាំងនោះកំពុងក្លាយជាគ្រាប់ពេជ្រដ៏មានតម្លៃ សម្រាប់មន្ត្រីជំនាញ រដ្ឋបាលព្រៃឈើ និងលោក អ៊ី ចំរើន នាយប៉ុស្តិ៍នគរបាលច្រកទ្វារព្រំដែនអន្តរជាតិអូរយ៉ាដាវ ឬយ៉ាងណានោះឡើយ ព្រោះសូម្បីតែសមត្ថកិច្ចពាក់ព័ន្ធដទៃទៀត ក៏មិនដែលហ៊ានក្អក ពីសកម្មភាពរកស៊ីដឹកជញ្ជូនឈើខុសច្បាប់របស់មេឈ្មួញទាំងនេះដែរ។
គេកំពុងតាមដានយ៉ាងយកចិត្តទុកដាក់ពីចំណាត់ការរបស់ លោក ថង សាវុន អភិបាលខេត្តរតនគីរី តើមានវិធានការបែបណា ចំពោះបទល្មើសកាប់បំផ្លាញព្រៃ ឈើ ស្ថិតនៅ ចំណុចអូរបោក អូរច្រាប អូរផ្តៅ ក្នុងភូមិ-ឃុំសមុទ្រសេដាលើ និងសមុទ្រសេដាក្រោម ដែលមេឈ្មួញជួញឈើខុសច្បាប់ឈ្មោះ ច្រឹប ប្តីឈ្មោះ មិន ថុន ហៅ ខ្លាធំ មេប៉ុស្តិខ្លាធំ និងឈ្មោះ ថាន ដែលជួលកម្មករពីប្រទេសវៀតណាម ប្រមាណជាង១០០នាក់ ដែលប្រដាប់ដោយរណាយន្ត ដែលមានសម្លេងស្ងាត់ រួមទាំងគោយន្ត សម្រាប់ដឹកឈើចេញជាច្រើនគ្រឿងទៀតជាពិសេសក្រុមឈ្មួញបានរៀបចំឃ្លាំងសម្រាប់ស្តុកឈើដែល បានកាប់លាក់ទុកនៅទីនោះដើម្បីត្រៀមដឹកជញ្ជូនបន្តទៅប្រទេសវៀតណាម។
ពាក់ព័ន្ធករណីមេឈ្មូញដុះស្លែ ឈ្មោះ ច្រឹប នឹងប្តី ឈ្មោះដែលគេ ស្គាល់ថា ជាប៉ូលីសព្រំដែន ទូរស័ព្ទ របស់ចែ ច្រឹប ច្រើនខ្សែពេក ពិបាកទាក់ទង ប៉ុន្តែបើតេចូលហើយគ្មានអ្នកលើក។ចំពោះករណីនេះដែល លោក កែប កុដ នាយខ័ណ្ឌរដ្ឋបាលព្រៃឈើធ្លាប់បានគេហទំព័រព្រះវិហារតាមបញ្ហានេះ លោក មិនដែលស្គាល់មុខចែច្រឹបហ្នឹងរបៀបម៉េចផង កុំថាឡើយតែ ឈ្មោះ បើយកល្អគួរតែសួរទៅ គណៈបញ្ជាឯកការស្រុក លំផាត់វិញពីព្រោះគេច្បាស់ជាងលោក ហើយលោក កែប កុដបានបន្តទៀតថា ក្នុងក៏មានក្រុមការងារដែល។
បើសេចក្តីរាយការណ៍ពីភ្នាក់ងារប្រចាំខេត្តរតនគីរីបាន ប្រាប់ថា មេ ឈ្មួញឈើដុះស្លែដែលគ្មានស្ថាប័នណាហ៊ានក្អកម៉ាខេះនោះ ឈ្មោះថា ចែ ច្រឹបបានហ្នឹងកំពុងវាយលុកតំបន់អភិរក្សសត្វព្រៃលំផាត់យ៉ាងគឃ្លើនមិនកោតខ្លាចអ្វីទាំងអស់ដោយអាងអំណាចប្តីជា មេប៉ុស្តិ៍ការពារព្រំដែនគោក ៦២៣ ទើបមិនខ្លាចអ្នកណាទាំងអស់ ហើយសេចក្តីរាយការណ៍បានបន្តទៀត សូម្បីលោក អភិបាលខេត្ត រតនគីរីនោះក៏ចែ ច្រឹមមិនខ្លាច ផង។
ពាក់ព័ន្ធករណីនេះដែរ លោក អភិបាលរងស្រុក ស្រុកបានប្រាប់តាមទូរស័ព្ទនៅរសៀលថ្ងៃទី ៣១ ខែ មេសា ឆ្នាំ ២០១៧នេះ ករណីការចូលកាប់ឈើក្នុងតំបន់ព្រៃលំផាត់មិនមានទេ តែមានកាលពីមុន តែគេចូលទៅមែន គឺគេ ដឹកជញ្ជូនឈើចាស់ៗហើយឥឡូវក្រុមការងាររបស់ លោក បានហាមឃាត់ហើយកាលពីប៉ុន្មានថ្ងៃមុនក៏ក្រុមការងារតែងតែចុះបង្រ្កាបផងដែរ៕
