ខេត្តក្រចេះ៖ មិនមែន ជារឿង ចម្លែកទេ សម្រាប់ អំណាច មេឈ្មួញ ឈើនៅ ស្រុកសំបូរ ដែល មហាជន ល្បីឈ្មោះ លោកជុំ វុទ្ធី ហៅធីកាប៉ូ តែងតែ ដឹកឈើ ប្រណិត មកពីខេត្ត ស្ទឹងត្រែង មកស្ដុកទុក នៅផ្ទះតាម បណ្ដោយ ផ្លូវជាតិ លេខ៧ ក្នុងភូមិ អូរកណ្ដៀថ្មី ឃុំអូរគ្រាង ស្រុកសំបូរ ខេត្តក្រចេះ ។ ដោយទទួល ព័ត៌មាន គួរឲ្យ ទុកចិត្តបាន នៅថ្ងៃ ទី១៤ ខែធ្នូ ឆ្នាំ២០១៦ នេះអ្នក សារព័ត៌មាន ៤នាក់ បានចុះ ទៅឃ្លាំ មើលនៅ មុខផ្ទះ ធីកាប៉ូ ដោយឈប់ តាមផ្លូវជាតិ លេខ៧ ។
ការឈប់ ឃ្លាំមើលពីអ្នកកាសែត មិនបាន ៥នាទីផង ស្រាប់តែ លេចមុខ អ្នកជិះ ម៉ូតូម្នាក់ មកប្រាប់ ឲ្យចេញ ពីទីនេះ ដោយប្រើ ពាក្យសម្ដី គំរាម កំហែង ថែមទៀត ផង ។ ដើម្បី ធានាដល់ សុវត្ថិភាព អ្នកសារ ព័ត៌មាន ក៏បាន ចាកចេញ ហើយបន្ត មកឃ្លាំ មើលនៅ ថ្ងៃទី១៥ ម្ដងទៀត ។
មិនមែន ចៃដន្យទេ នៅពេល ដែលអ្នក សារព័ត៌មាន មកឈប់ រថយន្ត ក៏ស្រាប់តែ លេចមុខ ក្រុមក្មេង ស្ទាវឬអាច ថាជា ប្រភេទ ក្មេងញៀន ថ្នាំជាង ១០នាក់ ខ្លះកាន់ ដុំថ្ម ខ្លះកាន់ ដំបង សំដៅមក រកឡាន អ្នកកាសែត ។ ដោយឃើញ ហេតុការណ៍ បន្ទាន់ កើតឡើង ដូច្នេះអ្នក សារព័ត៌មាន ក៏បាន បើកឡាន ចេញរួច ទូរស័ព្ទសុំ អន្ដរាគមន៍ ពីស្នងការ នគរបាល ខេត្ត ។ ក្រោយមក ទើបលេច មុខនគរបាល ស្រុកចុះ មកសួរនាំ រួចសុំ មើលប័ណ្ណ ព័ត៌មាន ប៉ុន្តែពុំ បានចុះ ទៅត្រួត ពិនិត្យ ផ្ទះមេឈ្មួញ ឈើតាម ការបញ្ជាក់ របស់អ្នក កាសែត នោះឡើយ ។
រយៈកាល កន្លងមក នៅ ស្រុក សំបូរ ក៏ដូចជា អាណាចក្រ ខេត្តក្រចេះ តែងកើត មានករណី វាយតប់ លើអ្នក សារព័ត៌មាន រហូតបាញ់ សម្លាប់អ្នក សារព័ត៌មាន មានទាំង ចាប់អ្នក សារព័ត៌មាន ដាក់គុក ជាហូរហែ ខណះពេលពួកគាត់កំពុង ចុះយក ព័ត៌មាន លើករណី បទល្មើស ព្រៃឈើ ។ សកម្មភាព រំលោភ បំពាន មកលើ អ្នកកាសែត គឺធ្វើចេញ ពីកូន អ្នកមាន អំណាច និងក្រុម សមត្ថកិច្ច ទោះបីថា នៅខេត្ត ក្រចេះ កើតមាន ករណី បទល្មើស ព្រៃឈើ ព្រោងព្រាត ក៏ពុំ ដែលឃើញ សកម្មភាព សមត្ថកិច្ច ចុះបង្ក្រាប បានម្តង ណាឡើយ ដែលជា ហេតុធ្វើឲ្យ មានការ សង្ស័យថា បទល្មើស ដឹកឈើ ប្រណិត របស់លោក ជុំ វុទ្ធី ហៅ ធីកាប៉ូ អាចមាន ការពាក់ព័ន្ធ ទៅនឹង សមត្ថកិច្ច ជាអ្នកកាង ដើម្បីស្វែង រកផល ប្រយោជន៍ ។ ទោះបីជា ប្រមុខ រាជរដ្ឋា ភិបាលកម្ពុជាបាន ប្រកាសបើក យុទ្ធនាការ ទ្រង់ទ្រាយ តូច.ធំ យ៉ាងណាក៏ដោយ សមត្ថកិច្ចនិងអាជ្ញាធរមួយក្តាប់តូចនៅកាងបទល្មើស ព្រៃឈើដដែលមិនខ្វល់ពីអនុសាសន៍របស់ថ្នាក់ដឹកនាំឡើយ។ជាក់ស្តែងបទដឹកជញ្ជូនឈើកំពុងតែកើតឡើងប្រចាំអាណាចក្រក្រចេះ គ្មានសមត្ថកិច្ចណាហានក្អកឡើយក៏ព្រោះខ្លាចអំណាចទឹកប្រាក់របស់ឈ្មួញឈើ មិនគិតថាខ្លួនជាអនុវត្តន៍ច្បាប់គួរតែធ្វើតាមច្បាប់ វាប្រសើរជាង ។
អំណាច ឈ្មួញឈើ នៅស្រុក សំបូរ មានការ គ្រាំទ្រ ឬមួយយ៉ាងណា ពីព្រោះតែ គ្មានអ្នក បង្ក្រាប បទល្មើស ព្រៃឈើ បែរជានាំឃុបឃិតជាមួយក្រុមឈ្មួញ រកស៊ីឈើ ទៅវិញ។
អំណាចឈ្មួញឈើ ដែលនាំឈើយកទៅលក់ នៅប្រទេសវៀតណាមតលមាន អាថ៌កំបាំង អ្វីនៅពី ក្រោយខ្នងទើបមានភាព ស្ងប់ស្ងាត់ល្អម៉្លេះ៕
