ខេត្តឧត្តរមានជ័យ៖តាមសេចក្តីរាយការណ៍ពីភ្នាក់ងាប្រចាំខេត្ត ឧត្តរមានជ័យបានឲ្យដឹងថាក្រុមកូនចៅយាយម៉ាយបានចូលទៅដឹកឈើនៅចំណុចអូរស្វាយ ស្ថិតនៅ ភូមិ អូរស្វាយ ឃុំ និងស្រុក ត្រពាំងប្រាសាទ ខេត្តឧត្តរមានជ័យ។
មានរថយន្តចេញចូលដឹកជញ្ជូនឈើយកមកឲ្យយាយម៉ាយនិងមានកំលាំងពលករឆ្លងដែនទៅកាប់ឈើក្រញ៉ូងនៅក្នុងប្រទេសថៃក្រោយពីទៅកាប់ឈើរួចបានវិលត្រលប់មកវិញរួចទើមមានឡានទៅដឹកទៅឲ្យយាយម៉ាយដែរ។
ដោយមានការបើកភ្លើងខៀវពីស្ថាប័នពាក់ព័ន្ធទើបឲ្យយាយម៉ាយហ៊ានធ្វើអ្វីៗទាំងអស់តាមតែអំពើចិត្តរបស់គាត់ដោយមិនគិតពីការរលាយហិនហោចព្រៃឈើ ហើយនៅពេលខ្លះក៏ត្រូវជួលពលករខ្មែរឲ្យចូលទៅកាប់ឈើក្រញ៉ូងលើទឹកដីថៃ ដោយមិនគិតពីអាយុជីវិតរបស់គាត់សោះឡើយ។
បើតាមសំដីពលកររកស៊ីកាប់ឈើក្រញ៉ូងលើទឹកដីថៃបានលួចខ្សឹបប្រាប់ថា ការរកស៊ីកាប់ឈើឆ្លងដែនទៅប្រទេសគេមិនស្រួលទេ ជាពិសេសភ័យខ្លាចនៅពេលណាជួបតំរួតថៃ ឬទាហានឈុតខ្មៅនៅពេលដែលពួកគេចាប់បានអាចមានគ្រោះថ្នាក់ដល់អាយុជីវិតក៏មានឬពេលខ្លះគេអាច ទាត់ធាក់ដោយចោទប្រកាន់ថាពួកយើងឆ្លងដែនដោយខុសច្បាប់ទៅប្រទេសគេ។ បើតាមប្រភពពីមន្រ្តី យោធាសឹករងម្នាក់សុំមិនបញ្ចេញឈ្មោះបានលួចប្រាប់ថាបច្ចុប្បន្នមានឡានចេញចូលពោលគឺដឹកឈើជារៀងរាល់ថ្ងៃ គ្រាន់តែតិចឬច្រើនតែពីមួយថ្ងៃពី៥ ទៅ ៦ឡានឯណោះ។តែឥឡូវរាប់មិនអស់ទេ គឺច្រើនលើសដើមក្រោយចូលឆ្នាំខ្មែររួច គឹចេញតាមច្រក ភូមិអូរស្វាយ នៅ ក្បែរសឹករងឆ្ពោះទៅកាន់ស្រុកអន្លុងវែងតែម្តង ។ហើយមន្រ្តីយោធានោះមិនបានលំអិតថា ក្នុងមួយថ្ងៃៗមានពលករឆ្លងទៅកាប់ឈើប៉ុន្មាននាក់និងមាន ឈើចំនួនប៉ុន្មានម៉ែត្រគូបនោះដែរ។
បច្ចុប្បន្នគេសង្កេតឃើញមានមេឈ្មួញឈើដ៏ល្បីល្បាញធំជាងភ្នំដងរែកទៅទៀតនោះគឺ កំពុងតែប្រមូលទិញឈើ
ក្រញ៉ូងនិងគៀងគពលករខ្មែរអោយទៅស្ពាយឈើក្រញ៉ូងនៅប្រទេសថៃយកមកលក់អោយមេឈ្មួញដ៏មានឥទិ្ឋពលប្រចាំខេត្តនេះ ដែលមានទីតាំងនៅខ្សែបន្ទាត់ព្រំដែនយ៉ាងរំភើយ ឥតខ្វល់សំខាន់ មានឈើលក់ទៅស្រុកក្រៅ។ មន្រ្តីតូចតាចបានរិះគន់ទៅលើមេៗរបស់ខ្លួនក៏ដូចជា មន្រ្តីស្ថាប័នពាក់ព័ន្ធថានាំគ្នាឃុបឃិតជាមួយមេឈ្មួញភ្លេចតួនាទី ព្រងើយកន្តើយថែមទាំងបើកដៃទៀតផងហើយជាពិសេសនោះគឺ សមត្ថកិច្ចដែលកំពុងតែឈរជើងនៅតាមបណ្តាច្រកនីមួយៗហាក់បីដូចជា មិនបានស្តាប់នូវអនុសាសន៍ឬក៏បទបញ្ជា របស់សម្តេច តេជោឡើយ មានតែនាំគ្នាបើកឲ្យ ពលករខ្មែរឆ្លងដែនទៅកាប់ឈើដើម ហើយមន្រ្តីតូចតាចបានបន្តទៀតថា បើយើងជាអ្នកអនុវត្តច្បាប់មិនគោរពច្បាប់ផង ចុះឲ្យប្រជាពលរដ្ឋគោរពម៉្តេចកើតទៅ ចប់គ្មានវាចារថ្លែង ពីព្រោះខ្លួនជាកូនចៅគេ មិនមានសិទិ្ឋណាហ៊ាននិយាយស្តីឡើយ ពោលគឺ ចាប់ ពីថ្នាក់ខេត្ត រហូតដល់ ថ្នាក់មូលដ្ឋានគឺokអស់ហើយ ។
បើតាមប្រភពពី មន្រ្តីនគរបាលការពារព្រំដែនម្នាក់បាននិយាយថា នៅក្នុងខេត្ត ឧត្តរមានជ័យនេះ គ្មានអ្នកហ៊ានជាមួយយាយម៉ាយទេ ដោយសារតែយាយម៉ាយបានបង់លុយជូនស្ថាប័នពាក់ព័ន្ឋអស់ហើយ ដូច្នេះយាយម៉ាយអាចដំណើរការបាន យ៉ាងរលូន ហើយមន្រ្តីនគរបាលរូបនោះបានបន្តទៀតថា បទបញ្ជារបស់ថា្នក់ដឹកនាំត្រូវស្ថាប័នមួយចំនួនតូចមិនគោរពតាម និងមិនឲ្យតម្លៃទល់តែសោះ បើអញ្ចឹងមែន នោះ តើប្រជាពលរដ្ឋនៅក្នុងខេត្ត ឧត្តរមានជ័យ រំពឹងអ្នកណាបើអ្នកកាន់ច្បាប់យកច្បាប់មកអង្គុយលើអញ្ជឹង គួរតែមើលសមត្ថកិច្ចនៅប្រទេសជិតខាងយើងផង ប្រជាពលរដ្ឋនៅក្នុង ខេត្តឧត្តរមានជ័យ សុំអំពាវនាវ ដល់ ឯកឧត្តម សាយ សំអាល់ រដ្ឋមន្រ្តី បរិស្ថាន ឯកឧត្តម វេង សាខុន រដ្ឋ មន្រ្តីកសិកម្ម រុក្ខាប្រម៉ាញ់និង នេសាទ ជាពិសេស ឯក ឧត្តម នាយឧត្តមសេនីយ៍ សៅ សុខា សូមមេត្តាជួយមានវិធាករណ៍ផងទាន ពីព្រោះនៅ ខេត្ត ឧត្តរមានជ័យ ត្រូវយាយម៉ាយ ថៅយួនម្នាក់នេះទិញមនសិកាអស់ហើយ កុំទុកឲ្យមេឈ្មួញឈើដុះស្លែរកស៊ីខុសច្បាប់ហើយហ៊ានទាំងបញ្ជាឲ្យកូនចៅរបស់ខ្លួនដេញវាយអ្នកកាសែតថែមទៀតកាលពីថ្ងៃទី ២២ ខែមេសា ឆ្នាំ ២០១៧ ហើយ ត្រូវបានអ្នកកាសែតទាំងបួនអង្គភាពដាក់ពាក្យបណ្តឹងចូលទៅ ព្រះរាជ្ញាខេត្តឧត្តរមានជ័យឲ្យជួយរកយុត្តិធម៌ដល់ពួកគាត់ផង៕
