ឃាត់ខ្លួនក្រុមចែកចាយនិងប្រើប្រាស់គ្រឿងញៀន២នាក់ បញ្ជូនទៅតុលាការ

ខេត្តឧត្តរមានជ័យ៖នៅថ្ងៃទី២៣ ខែមិថុនាឆ្នាំ២០១៧ វេលាម៉ោង២ និង២០នាទីរសៀល
លោកវរៈសេនីយ៍ទោ អិន កាយ អធិការនគរបាល ស្រុកត្រពាំងប្រាសាទដឹកនាំកំលាំង
១០នាក់ចុះបង្ក្រាបករណីចែកចាយ និង ប្រើប្រាស់នូវសារធាតុញៀន មួយ ករណី នៅចំណុច
ផ្ទះសំណាក់ប្រាសាទមាស ស្ថិតក្នុងភូមិ-ឃុំនិងស្រុកត្រពាំងប្រាសាទ ខេត្តឧត្តរមានជ័យ ។
ក្នុងនោះបានឃាត់ខ្លួនជនសង្ស័យចំនួន ០២ នាក់ ទី០១៖ឈ្មោះ ផន ឧសភា ភេទប្រុស អាយុ ២៥ឆ្នាំ
រស់នៅភូមិឃុំកើតហេតុខាងលើ ទី០២៖ឈ្មោះ ផូ ភា ភេទ ស្រីអាយុ ២៤ឆ្នាំ រស់នៅ ភូមិកៀនកោះ
ឃុំ កៀនកោះ ស្រុកថ្មគោល ខេត្តបាត់ដំបង បច្ចុប្បន្ន រស់នៅក្នុង ភូមិ-ឃុំ និង ស្រុកត្រពាំងប្រាសាទ ។
ក្រោយការឃាត់ខ្លួន កម្លាំងនគរបាលជំនាញ បានប្រមូលវត្ថុតាង ដែលបានឆែកឆេរ ក្នុងនោះដកហូតបាន
រួមមាន÷ថ្នាំញៀនប្រភេទម៉ាទឹកកក (lCE) ចំនួន០១កញ្ជប់តូច និង០២កញ្ជប់ធំល្មម ទូរស័ព្ទដៃចំនួន ០៤គ្រឿង
អត្តសញ្ញាណប័ណ្ណចំនួន 0១សន្លឹក លុយខ្មែរចំនួន ៥០៦៣០០៛លុយបាតចំនួន ៣៥០បាតលុយដុង ចំនួន ៨០២០០០ដុង
ខ្សែលោកហៈធាតុលឿង ០១ខ្សែ ជញ្ជៀន លោហៈធាតុលឿង ០៤ វង់ បច្ចុប្បន្ន កំពុងសាកសួរ និង កសាងសុំណុំរឿងបញ្ជូន
ទៅតុលាការតាមនិតិវិធី៕

៕