ហ្គេមបាញ់ត្រី និងហ្គេមបៀរ២ទីតាំងត្រូវចៅហ្វាយខណ្ឌដូនពេញបញ្ជាឲ្យបង្ក្រាបភ្លាមៗ

ភ្នំពេញ ៖ នៅវេលាម៉ោង៥.០០នាទី ថ្ងៃទី២៤ ខែតុលា ឆ្នាំ២០១៧ ក្រោមការបញ្ជាផ្ទាល់ លោក សុខ ពេញវុធ អភិបាល នៃគណៈអភិបាលខណ្ឌដូនពេញ លោក ចាប ឌីណា នាយករដ្ឋបាលខណ្ឌ បានចុះបង្ក្រាបល្បែងហ្គេម(ហ្គេមបាញ់ត្រី និងហ្គេមបៀរ) ដែលមានទីតាំងភូមិ២៖សង្កាត់ ស្រះចក ខណ្ឌដូនពេញ(ជាប់ថ្នល់រថភ្លើង ក្រោយវត្តនាគវ័ន្ត)។ ក្នុងនោះកំលាំងបានដកហូត៖ ទី១៖ហ្គេមបាញ់ត្រីចំនួន០១គ្រឿងទី៖២ហ្គេមបៀរចំនួន១១ទូរ។ដោយឡែកអ្នកលេងនិងម្ចាស់ទីតាំងរត់បាត់។ ក្នុងនាមអាជ្ញាធរយើងខ្ញុំសូមគោរពថ្លែងអំណរគុណចំពោះប្រជាពលរដ្ឋល្អ ដែលតែងតែបានផ្តល់កិច្ចសហការ និង ផ្តល់ពត៌មានដល់កំលាំងយើងខ្ញុំ។សូមបញ្ជាក់ថា លោកសុខ ពេញវុធ អភិបាលខណ្ឌដូនពេញ នឹងបន្តបង្ក្រាបកន្លែងហ្គេមផ្សេងទៀតក្នុងមូលដ្ឋានរបស់ខ្លួនដើម្បីជាប្រយោជន៍ជូនមហាជនក៍ដូចជាប្រជាពលរដ្ឋមូលដ្ឋាន ដែលបានកំពុងគាំទ្រចំពោះចំណាត់ការបស់លោក។ដោយឡែកនៅក្នុងផ្សារស្ទឹងមានជ័យថ្មីក៏មានហ្គេមបាញ់ត្រីមិនតិចជាង ពី ៥ទៅ ៦ទូរនៅជាន់ក្រោមក្បែរកន្លែងផ្ញើម៉ូតូ ដោយប្រជាពលរដ្ឋសំណូមពរដល់ លោក អភិបាលខណ្ឌមានជ័យ មេត្តាចុះបង្ក្រាបផង ពីព្រោះមួយថ្ងៃៗឃើញតែក្មេងៗចូលលេងឥតឈប់ឈរឡើយ ដោយពួកគាត់មានការព្រួយបារម្ភយ៉ាងដោយខ្លាំងខ្លាចកូនចៅរបស់គាត់ដើរផ្លួវខុស ជាពិសេសគេចវេសពីការសិក្សា និង ខ្លាចបែកគំនិតទៅប្រព្រឹត្តខុស ផ្ទុយទៅនឹងច្បាប់ ដូច្នេះប្រជាពលរដ្ឋក្នុងផ្សារស្ទឹងជ័យថ្មីក៏ដូចជាអាណាព្យាបាលក្មេងៗទាំងនោះ សង្ឃឹម
នឹងជឿជាក់ថា លើលោក អភិបាលខណ្ឌមានជ័យ នឹង ចាត់វិធានការឲ្យស្របទៅតាមភូមិឃុំមានសុវត្ថិភាព៩ចំណុចរបស់រាជរដ្ឋាភិបាលកម្ពុជានៃយើង៕ដោយ៖( យាយដូនពេញ ).