ខេត្តព្រះសីហនុ៖ នៅព្រឹកថ្ងៃទី០៥ ខែវិច្ឆិកា ឆ្នាំ២០១៧ នៅស្នាក់ការគណបក្សប្រជាជន ឃុំជើងគោ ឯកឧត្តម ឯម សុខពៅ អនុប្រធានគណៈកម្មាធិការកណ្តាលចុះជួយឃុំជើងគោ និងជាប្រធានក្រុមការងារចុះជួយភូមិ្រពាំងមូល តំណាងដ៏ខ្ពង់ខ្ពស់ឯកឧត្តមនាយឧត្តមសេនីយ៍ឯក ចៅ យុត្តិបុត្រ ព្រមទាំងលោកជំទាវបានអញ្ជើញជាអធិបតី ក្នុងពិធីជួបសំណេះសំណាលជាមួយសមាជិក សមាជិការគណបក្ស ប្រជាជនកម្ពុជា និងចែកអំណោយដល់ប្រជាពលរដ្ឋ ដែលពិធីនេះប្រារព្ធឡើងនៅភូមិត្រពាំងមូល ឃុំជើងគោ ស្រុកព្រៃនប់ ខេត្តព្រះសីហនុ និងមានការចូលរួមពីឯកឧត្តម លោកជំទាវ អស់លោក លោកស្រី ក្រុមការងារបក្សឃុំ និងសមាជិក សមាជិការចំនួន៤៧០នាក់។ ក្រោយពីការអានរបាយការណ៍របស់ប្រធានគណបក្សឃុំរួចមក ថ្លែងក្នុងឱកាសនេះដែរ ឯកឧត្តម ឯម សុខពៅ បានមានមតិសំណេះសំណាលជាមួយបងប្អូនសមាជិក សមាជិការបក្ស ភូមិត្រពាំងមូល និងបានពាំនាំនូវការសាកសួរសុខទុក្ខ និងប្រសាសន៍ដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា ចំពោះបងប្អូនទាំង៤៧០នាក់ដែលមានវត្តមានផងដែរ។ ឯកឧត្តមបានមានប្រសាសន៍បន្តថា បច្ចុប្បន្នក្រោមការដឹកនាំរបស់រាជរដ្ឋាភិបាល ដែលកើតចេញពីគណបក្សប្រជាជនកម្ពុជា និងកើតចេញពីការបោះឆ្នោតគាំទ្រពីបងប្អូនប្រជាពលរដ្ឋទូទាំងប្រទេស ប្រទេសកម្ពុជាកំពុងស្ថិតក្នុងសុខសន្តិភាព ស្ថេរភាព និងការអភិវឌ្ឍន៍ គ្រប់វិស័យ។ ប្រទេសកម្ពុជាត្រូវបានរំដោះតាំងពី
ឆ្នាំ១៩៧៩មកម៉្លេះ កម្ពុជាមិនត្រូវការការរំដោះអ្វីទៀតនោះទេ។ ចុងបញ្ចប់នៃកម្មវិធី ឯកឧត្តមនិងក្រុមការងារ បានចែកអំណោយទូរស័ព្ទចំនួន៥គ្រឿងដល់ក្រុមការ
ងារបក្សឃុំ ផ្តល់ថវិការដល់ក្រុមការងារភូមិចំនួន៤ ក្នុងមួយភូមិថវិកា៤០ម៉ឺនរៀល និងជូនដល់សមាជិក សមាជិការទាំងអស់ដែលចូលរួម ក្នុងម្នាក់ៗទទួលបានមី
មួយកេះ សារុងមួយ និងថវិកាចំនួន២ម៉ឺនរៀលផងដែរ៕ដោយ៖( លោក ហង់ ).
