ខេត្តតាកែវ: គ្រោះថ្នាក់ចរាចរណ៍មួយបានកើតឡើង នៅតាមបណ្ដោយផ្លូវជាតិលេខ០៣ ត្រង់ចំណុចខាងជើងផ្សារអង្គតាសោម ក្នុងភូមិព្រៃរុំដេង ឃុំអង្គតាសោម ស្រុកត្រាំកក់ ខេត្តតាកែវ ។ តាមប្រភពកន្លែងកើតហេតុបានអោយដឹងថា មុនកើតហេតុ គេឃើញរថយន្ត១គ្រឿង ម៉ាកហាយលេនឌើ បើកបរពីទិសជើងទៅត្បូង រួចបានបត់ស្ដាំ ឆ្លងផ្លូវចូលទៅលាងឡាន ។
ចំណែកម៉ូតូបើកបរពីត្បូងទៅជើង បញ្រ្ចាសទិសគ្នា ក្នុងល្បឿនលឿន លុះមកដល់ត្រង់ចំណុចកេីតហេតុ ក៏បានបុកគូទរថយន្តបណ្តាលអោយរងរបួសធ្ងន់ ។
សមត្ថកិច្ចចរាចរណ៍បានអោយដឹងថា ហេតុការគ្រោះ ថ្នាក់ចរាចរណ៍នេះ បានកើតឡើងនៅថ្ងៃទី10ខែមករា ឆ្នាំ2017 វេលាម៉ោង8:10នាទី ដោយម៉ូតូបុកគូទរថ យន្ត នៅពេលរថយន្តបត់ស្តាំឆ្លងផ្លូវចូលលាងឡាន ។
សមត្ថកិច្ចអោយដឹងទៀតថា ជនរងគ្រោះមានឈ្មោះ ចិត្រ្តា ភេទប្រុស អាយុ20ឆ្នាំ មានទីលំនៅភូមិអង្គគគី ឃុំពពេល ស្រុកត្រាំកក់ ខេត្តតាកែវ ។ បើកបរ ម៉ូតូម៉ាកគុបហាជ្រុង ពណ៍ទឹកបិច គ្មានស្លាកលេខរួចក៏បញ្ជូនទៅសំរាកព្យាបាលនៅមន្ទីរពេទ្យបង្អែកស្រុកអង្គតាសោម ចំណែកអ្នកបើកបររថយន្តមានឈ្មោះ សូត្រ រ៉ាវី ភេទប្រុស អាយុ27ជាកសិករ មានទីលំនៅភូមិចមពល ឃុំពពេល ស្រុកត្រាំកក់ ខេត្តតាកែវ បេីកបររថយន្តម៉ាកហាយឡេនដរ័ ពណ៑ទឹកមាស ពាក់ស្លាកលេខភ្នំពេញ 2U— 9421 (រងការខូចខាតផ្នែកខាងក្រោយ)រីឯម៉ូតូនិងរថយន្តក្រោយពីកើតហេតុសមត្ថកិច្ចចរាចរណ៍កំពុងសម្របសម្រួល ៕ ដោយង៉ែត សុគន្ធី
