ភ្នំពេញ៖ នៅព្រឹកថ្ងៃទី ០៩ ខែ មករា ឆ្នាំ ២០១៧ ប្រជាពលរដ្ឋចំនួន ២៥ នាក់បានដាក់ពាក្យបណ្តឹងទៅ លោក ចៅសង្កាត់ ឬស្សីកែវ ខណ្ឌ ឬស្សីកែវ សុំឲ្យ លោក ចៅ សង្កាត់ជួយអន្តរាគមន៍រឿងម្ចាស់បុរី មហាសេដ្ឋីមិនទាន់បានប្រគល់ប្លង់រឹងជូនដល់ពួកគាត់ឡើយ។បើយោងតាមពាក្យបណ្តឹងរបស់ប្រជាពលរដ្ឋទាំង២៥នាក់ក្នុងចំណោម៤៩នាក់បាននិយាយថា ការចុះកិច្ចសន្យាទិញ លក់ដីផ្ទះល្វែងជា មួយម្ចាស់បុរីមហាសេដ្ឋីបានធ្វើកិច្ចសន្យាជាមួយប្រជាពលរដ្ឋថា សាងសង់រយះពេល ១៨ខែ ក្រោយការសាងសង់រួចរាល់រយះពេល៤៥ថ្ងៃនឹងប្រគល់ប័ណ្ណកម្មសិទិ្ឋជូនដល់ពួកគាត់។ ក៏ប៉ុន្តែរហូតមកដល់ពេលនេះពួកគាត់នៅតែមិនទាន់បានប័ណ្ណកម្មសិទិ្ឋនៅឡើយទេ។ប្រជាពលរដ្ឋសុំអំពាវនាវដល់អាជ្ញាធរគ្រប់ជាន់ថ្នាក់ជួយអន្តរាគមន៍ដល់ម្ចាស់បូរីដើម្បីប្រគល់ប័ណ្ណកម្មសិទិ្ឋដល់ពួកគាត់ឲ្យបានឆាប់រហ័សផង។ពាក់ព័ន្ឋករណីខាងលើនេះ ដែរ លោក មូល វីរះ ចៅសង្កាត់ ឬស្សីកែវ បានប្រាប់គេហទំព័រព្រះវិហារតាមទូរស័ព្ទកាលពីព្រឹកថ្ងៃទី ១០ ខែ មករា ឆ្នាំ២១០៧នេះថា ករណីនេះ លោកកំពុងធ្វើការសំរបសំរួលជាមួយភាគីម្ចាស់បុរីមហាសេដ្ឋីនេះហើយដើម្បីដោះស្រាយជាមួយម្ចាស់អ្នកទិញ ប៉ុន្តែ លោក ចៅសង្កាត់បានបន្តថា ភាគីម្ចាស់បុរី ហាក់បីដូចជា មានភាពយឺតយ៉ាវក្នុងប្រគល់ប័ណ្ណកម្មសិទ្ឋិដល់អ្នកទិញ។
ដោយឡែក នៅ រសៀលថ្ងៃទី ១០ ខែមករា ឆ្នាំ២០១៧ ប្រជាពលរដ្ឋក៏នាំគ្នាមកសាលាខណ្ឌឬស្សីកែវដើម្បីសុំឲ្យ លោក អភិបាលខណ្ឌជួយរកដំណោះស្រាយដល់ពួកគាត់ផង នៅក្នុងការពិភាក្សានេះ លោក លីន ញ៉ក់ អភិបាលរងខណ្ឌបានមានប្រសាសន៍ថា គ្រប់ភាគីពាក់ព័ន្ឋត្រូវតែគោរពទៅតាមកិច្ចសន្យាដែរបានព្រមព្រៀងជាមួយគ្នា ហើយលោក អភិបាលរងបានបន្តទៀតថា បើភាគីណាមួយមិនគោរពទៅតាមកិច្ចសន្យាទេមានន័យថាភាគីនោះ មិនទទួលខុសត្រូវចំពោះមុខច្បាប់។
ពាក់ព័ន្ឋការចោទប្រកាន់ខាងលើនេះដែរ ម្ចាស់បុរីមហាសេដ្ឋី គឺ លោក ណេប សុវណ្ណារិទិ្ឋ ពុំអាចសុំការបំភ្លឺបានទេ ដោយមិនមានលេខទូរស័ព្ទ។គេហទំព័រព្រះវិហាររង់ចាំស្វាគមន៍ក្នុងបកស្រាយគ្រប់ភាគីពាក់ព័ន្ឋ៕