ភ្នំពេញ៖ អគ្គីភ័យឆាបឆេះកប៉ាល់ដឹកប្រេងរបស់ក្រុមហ៊ុនសាវីម៉ិច សន្ធោសន្ធៅ បង្កការភ្ញាក់ផ្អើលកាលព្រឹកថ្ងៃពុធ ១២ កើត ខែ ពិសាខ ឆ្នាំកុរ ឯកស័ក ព.ស២៥៦៣ ត្រូវថ្ងៃទី ១៥ ខែឧសភា ឆ្នាំ២០១៩ នៅវេលាម៉ោង០៥និង១៤នាទីទាំងព្រលឹមតែម្តង ស្ថិតនៅ ខាងក្រោយឃ្លាំងប្រេង ក្រុមហ៊ុនសាវីម៉ិចស្ថិតនៅក្រុម១០ ភូមិ ស្ពានខ្ពស់ សង្កាត់ គីឡូម៉ែត្រលេខ៦ ខណ្ឌ ឫស្សីកែវ រាជធានីភ្នំពេញ។តាមសមត្ថកិច្ចបានឲ្យដឹងថា ករណីអគ្គីភ័យឆេះកប៉ាល់ប្រេងរបស់ក្រុមហ៊ុន សាវីម៉ិចកម្លាំងសមត្ថកិច្ចបានចេញរថយន្តពន្លត់អគ្គីភ័យ ចំនួន០៩គ្រឿងជួយអន្តរាគមន៍បាញ់ពន្លត់អស់ទឹក០៥គ្រឿងទើបរលត់ជាស្ថាពរនៅម៉ោង៦និង៣៥នាទីថ្ងៃដដែល។ ចំណែកការការខូចខាតរួមមាន កប៉ាល់០១គ្រឿងនិងប្រេងចំនួន30.0000លីត្រ ។ សមត្ថកិច្ចបន្តថា នៅក្នុងហេតុការឆេះនេះគឺបណ្ដាលឲ្យមានអ្នករងរបួសធ្ងន់ម្នាក់ និង បាត់ខ្លួនម្នាក់ ចំពោះមូលហេតុសមត្ថកិច្ចមិនទាន់បានបញ្ជាក់ឲ្យច្បាស់លាស់នៅឡើយទេ ។បច្ចុប្បន្ន កម្លាំងសមត្ថកិច្ចកំពុងធ្វើការស្រាវជ្រាវដើម្បីស្វែងរកអ្នកដែលបាត់ខ្លួន ៕( ព័ត៌មានបឋម).( ដោយ៖ ( យាយពេញ).
