ខេត្តក្រចេះ ៖ ជារៀង រាល់យប់ នៅតាម បណ្តោយ ផ្លូវជាតិ លេខ ៧A ឆ្ពោះទៅតាម បណ្តោយផ្លូវ ជាតិលេខ៧៣ ក្រចេះ ស្រុក ឆ្លូងគេតែងតែសង្កេតឃើញមានរថយន្តសាំងយ៉ុងកែរឆ្នៃ ត រីម៉កឬហៅថាសាំយ៉ុងខ្នាតយក្ស ដែលដឹក ឈើជាច្រើន ម៉ែត្រ គូប ក្នុងមួយ រថយន្តៗ ហើយ ក្នុងមួយ យប់មិន តិចជាង ៤០ គ្រឿង នោះទេ ហើយ មួយគ្រឿងៗ ផ្ទុកមិនតិចជា១០ ម៉ែត្រ គូបនោះដែរ រថយន្ត ទាំងនោះ ត្រូវបាន គេស្គាល់ យ៉ាងច្បាស់ ថាជារបស់លោក ស៊ាម គឹម ទឹម ជាមន្ត្រី យោធាថ្លើមពាសមេឃរកស៊ីបទល្មើសព្រៃឈើល្បីឈ្មោះជាយូរឆ្នាំមកហើយ។ជាក់ស្តែងដូចជានៅយប់ថ្ងៃទី ២២ខែ ឧសភា ឆ្នំា២០១៩ នៅចំណុចភូមិស្រែស្បូវ ឃុំ ក្បាលដំរី ស្រុក សំបូរ ខេត្ត ក្រចេះ មានឃ្លាំងឈើដ៏ធំមួយដែរគេដឹងថា ជាឃ្លាំងឈើរបស់លោក ស៊ាម គឹមទឹម «ហៅទឹម» ដែរជាមន្រ្ដីយោធាវរៈសេនាតូចលេខ២ដែលជាអ្នកមានអំណាចក្នុងទឹកដីនៃខេត្តក្រចេះប្រហែលជាលោក ស៊ាមគឹម ទឹម អាងខ្នងបង្អែមដ៏រឹងមាំជាមេសឹករងខេត្តឈ្មោះ ណៃ តឹង ឡឹង ទេដឹង បានជាលោកស៊ាម គឹម ទឹម មិនដែលខ្លាចរអែងសមត្ថកិច្ចដែលពាក់ព័ន្ធ ឬមួយជាមិត្តជិតស្និតជាមួយលោកសាន្ត ប៊ុនថាន មេប៉េអឹមខេត្តក្រចេះនោះឬយ៉ាងណាបានជាសកម្មភាពរកស៊ីឈើរបស់លោក ស៊ាម គឹមទឹម បានរលូនមកដល់សព្វថ្ងៃនេះ។ជាក់ស្តែងក្នុងថ្ងៃខាងលើនោះលោកទឹមអោយកូនចៅយករថយន្តសាំងយ៉ុងកែច្នៃយកមកលើកឈើដាក់ទាំងថ្ងៃដោយមិនញញើតនិងផ្លូវច្បាប់បន្តិចណាសោះឡើយដើម្បីដឹកចេញទៅចែកចាយបន្តរតាមរយៈរថយន្តសាំយ៉ុងកែច្នៃខ្នាតយក្សចេញពីក្នុងឃ្លាំងក្នុងមួយយប់ៗមិនតិចចាប់ពី៣០ទៅ៤០គ្រឿងនោះទេ ហើយចេញពីចំណុចខាងលើឆ្ពោះទៅខេត្តត្បូងឃ្មុំនោះតែម្តងមិនមានអ្វីមករារាំងនោះទេ។ឃ្លាំងឈើដ៏ធំនេះត្រូវបានគេដាក់ការសង្ស័យថាគ្មានលិខិតស្នាមឬច្បាប់ទម្លាប់នោះទេ ដោយសារតែសមត្ថកិច្ចគ្រប់ជាន់ថ្នាក់ត្រូវបាន លោកទឹម រៀបចំកញ្ចប់និងសែនព្រេនអស់ទៅហើយមើលទៅ ជាពិសេស លោក សាន្ត ប៊ុនថាន ដែលជាមេបញ្ជាការប៉េអឹមខេត្តក្រចេះ ដែលបានអួតក្ដែងៗថា មិនអោយមានបទល្មើសព្រៃឈើកើតមាននៅក្នុងទឹកដីរបស់ខ្លួនឡើយ។
ចំណែកលោក ទ្រី សុភក្ត្រ័ ប្រធានមន្ទីកសិកម្មខេត្តក្រចេះមិនដែលមានបទបញ្ជារទៅមន្ត្រីក្រោមឱវាទអោយមានចំណាត់ការទៅលើបទល្មើសព្រៃឈើទាំងនេះម្តងណានោះទេ ប្រហែលជាលោក ទឹម យកដុល្លារបាំងមុខជិតអស់ហើយមើលទៅនោះ តែបើសែនមិនត្រូវវិញប្រហែលជាបិទជិតឈឹងដូចកាលប៉ុន្មានខែមុនអញ្ចឹង តែបើសែនត្រូវហើយទោះបីជាមានសារព័ត៌មានចុះផ្សាយជាច្រើនអង្គភាពយ៉ាងណាក៏ដោយក៏អស់លោកសម្ថកិច្ចជំនាញទាំងនោះមិនខ្វល់នោះដែរ សំខាន់បានប្រយោជន៍ដាក់ក្នុងហោប៉ៅ។ប្រជាពលរដ្ឋរស់នៅក្នុងទឹកដីនៃខេត្តក្រចេះ សូមសំណូមពរទៅដល់ ថ្នាក់ដឹកនាំ និង រដ្ឋមន្ត្រីក្រសួងកសិកម្មមេត្តាជួយពិនិត្យមើលនៅក្នុងខេត្តក្រចេះមួយនេះផង បើមិនដូច្នេះនោះទេច្បាស់ជារលាយហិនហោចអស់ក្នុងពេលដ៏ខ្លីនេះជាក់ជាមិនខាននោះឡើយជាពិសេសទៀតនោះសូមលោក ណៃ តឹងឡឹង ជាមេកើយរបស់លោក ស៊ាម គឹមទឹម សូមលោកមើលកូនចៅរបស់លោកកំពុងតែប្រព្រឹត្តល្មើសច្បាប់នេះផងឬមួយ ស៊ាម គឹមទឹម ជាកូនចៅសំណប់ចិត្តសំរាប់រកប្រភពសេដ្ឋកិច្ចជូនលោក។រីឯលោកសាន្តប៊ុន ថាន្ត ជាមេប៉េអឹមខេត្តក្រចេះតែងតែអួតក្តែងៗថា៖លោកមិនអោយកើតមានបទល្មើសព្រៃឈើនៅក្នុងខេត្តក្រចេះនោះទេថា តើលោកមានវិធានការបែបណាចំពោះមេឈ្មួញ ស៊ាម គឹមទឹមនោះ។ពាក់ព័ន្ធក្នុងករណីខាងលើនេះអង្គភាពយើងមិនអាចសុំការពន្យល់ពី ស៊ាម គឹមទឹម មូលហេតុគ្មានលេខទូរស័ព្ធនឹងអស់លោកសមត្ថកិច្ចខាងលើដើម្បីសុំការបំភ្លឺបានឡើយ។អង្គភាពរង់ចាមការបកស្រាយរៀងរាល់ម៉ោងធ្វើការស្របតាមច្បាប់ស្តីអំពីរបបសារព័ត៌មាននៃព្រះរាជានាចកម្ពុជា៕ដោយ៖( រំដួលក្រចេះ)
