ភ្នំពេញ:មានមហាជនជាច្រើនកំពុងតែឆ្ងល់ថាហេតុអ្វីបានជាលោក ពេជ្រ កែវមុនី អភិបាលខណ្ឌមានជ័យ និងលោក ម៉េង វិមានតារា អធិការខណ្ឌមានជ័យ មិនហ៊ានបង្ក្រាបសង្វៀនជល់មាន់នឹងល្បែងអាប៉ោងក្នុងដែនដីរបស់ខ្លួន…?។ប្រភពពីប្រជាពលរដ្ឋជាច្រើនបានប្រាប់អ្នកសារព័ត៌មានយើងឲ្យដឹងថា៖នៅថ្ងៃទី១៥ ខែមករា ឆ្នាំ២០២០ សង្វៀន ជល់មាន់ នឹងល្បែងអាប៉ោងនៅខាងក្រោយសួនការណាឌីយ៉ានេះគឺបើកលេងជាយូរណាស់មកហើយតែមិនដែលឃើញមានសមត្ថកិច្ចណាចុះបង្ក្រាបឡើយគឺបើកលេងបានដោយសេរី។ តែមានពេលខ្លះក៏មានសមត្ថកិច្ច ចុះមកបង្ក្រាបដែរតែបានមួយថ្ងៃក៏បើកលេងវិញដដែលនេះ ហើយជាចម្ងល់របស់ពួកគាត់ ហើយបានដាក់ការសង្ស័យថា៖ទីតាំងល្បែងមួយនេះប្រហែលជាមានខ្នងបង្អែកនៅពីក្រោយហើយទើបអាចបើកលេងវិញបានស្រួលៗបែបនេះ។
ប្រភពនោះបានបន្តទៀតថា៖ជារៀងរាល់ថ្ងៃគឺមានក្រុមអ្នកញៀនល្បែងជាច្រើនដែលខ្លះមកពីតាមខេត្តនានាដោយមានវេចមាន់មកជាមួយតែម្តងហើយបើចំពោះអ្នកដែលរស់នៅក្បែរនោះវិញគឺតែងតែមានសំលេងរំខានដោយមានសំលេងហ៊ោរកញ្ជ្រៀវបែបអនាធិបតេយ្យបំផុត។ ហើយក្នុងនោះដែរពួកគាត់ក៏មានការព្រួយបារម្មណ៍ចំពោះភាពអសន្តិសុខផ្សេងៗដែលនិងអាចកើតមានព្រោះពួកគាត់ចំណាំមើលថាកន្លែងណាដែលមានល្បែងស៊ីសងនោះនិងអាចកើតមានអំពើចោរកម្មផ្សេងៗជាក់ជាមិនខាន។ ហើយម្យ៉ាងវិញទៀតបើពាក្យថា៖ភូមិឃុំមាន សុវត្ថិភាព០៩ចំណុចវិញនៅតាមប៉ុស្តិ៍នគរបាលមួយណាក៏មានបិតលើជញ្ជាំងដែរ តែដោយឡែកមិនឃើញអនុវត្តន៍សោះ។សូមបញ្ជាក់ថា៖កន្លែងល្បែងស៊ីសងនោះគឺមានទីតាំងស្ថិតនៅខាងក្រោយសួនការណាឌីយ៉ា ក្នុងភូមិដំណាក់៣ សង្កាត់ស្ទឹងមានជ័យ៣ ខណ្ឌមានជ័យ។ជាប់នឹងព្រំប្រទល់ខណ្ឌពោធិ៍សែនជ័យ នឹង ខណ្ឌមានជ័យ។ ដើម្បីអោយមាន សុវត្ថិភាព ក្នុងភូមិឃុំដូចពាក្យថា៖( ភូមិឃុំមានសុវត្ថិភាពទាំង៩ចំណុច ក្នុងនាមពួកគាត់ជាប្រជាពលរដ្ឋសូមសំណូមពរដល់លោក ស ថេត ស្នងការរាជធានីភ្នំពេញនិង លោក ឃួង ស្រេង អភិបាលរាជធានីភ្នំពេញ សូម លោកទាំងពីរមេត្តាមានវិធានការទប់ស្កាត់និងបង្ក្រាបល្បែងស៊ីសងដើម្បីអោយមានសុខសុវត្ថិភាពដល់ប្រជាពលរដ្ឋនឹងភាពជឿជាក់ទៅលើសមត្ថកិច្ចដែលជាឪពុកម្តាយក្នុងទឹកខណ្ឌមានជ័យ។
ជុំវិញករណីល្បែងស៊ីសងខាងលើនេះអង្គភាពយើងនៅមិនទាន់មានការបំភ្លឺពីខាងលោកអភិបាលខណ្ឌនិងអធិការខណ្ឌមានជ័យនៅឡើយទេ។ពីព្រោះមិនមានលេខទូរស័ព្ទទំនាក់ទំនង អង្គភាពយើងខ្ញុំនឹងរង់ចាំការបំភ្លឺពីគ្រប់គាគីពាក់ព័ន្ធនៅពេលក្រោយ ស្របតាមច្បាប់ស្តីរបបសារព័ត៌មានស្របនៃព្រះរាជាណាចក្រកម្ពុជា៕(នៅមានបន្ត)ដោយ៖(យាយពេញ)
