ខេត្តកណ្ដាល៖ព្រឹកថ្ងៃទី១៣ ខែកក្កដា ឆ្នាំ២០២០ ឯកឧត្ដម គង់ សោភ័ណ្ឌ អភិបាលខេត្តកណ្ដាល បានធើ្វការកោតសរសើរ ចំពោះទីចាត់ការ អង្គភាពជំនាញពាក់ព័ន្ធទាំងអស់ ដែលបានជួយគាំទ្រដល់រដ្ឋបាល ក្រុងនិងស្រុក ព្រមទាំងរដ្ឋបាលក្រុងនិងស្រុក ទាំង១១ ដែលបានយកចិត្តទុកដាក់ខិតខំ ប្រឹងប្រែងអនុវត្តការងារទៅតាមតួនាទី ភារកិច្ចរបស់ខ្លួន ប្រកបដោយស្មារតីទទួលខុសត្រូវខ្ពស់ក្នុងការរៀបចំ និងអនុវត្តគម្រោង ក្រុងនិងស្រុក និងបានគោរពតាមគោលការណ៍ បែបបទ នីតិវិធី និងសៀវភៅណែនាំ ស្ដីពីការរៀបចំគម្រោងក្រុងនិងស្រុក បានយ៉ាងល្អប្រសើរនាពេលកន្លងមក ។
ឯកឧត្តមអភិបាលខេត្ត បានបញ្ចាក់ខ្លឹមសារដ៏សំខាន់ៗទាំង១១ នៅក្នុងវគ្គបណ្ដុះបណ្ដាលរំលឹកឡើងវិញ ស្ដីពីការរៀបចំគម្រោងក្រុងនិងស្រុករួមមាន៖
ទី១-គម្រោងក្រុងនិងស្រុក
ទី២-ការរៀបចំគម្រោងក្រុងនិងស្រុក
ទី៣-តួនាទី និងការទទួលខុសត្រូវរបស់អ្នកពាក់ព័ន្ធក្នុងការរៀបចំគម្រោងក្រុងនិងស្រុក
ទី៤-ទុនចូលរួមរបស់ប្រជាពលរដ្ឋមូលដ្ឋាន
ទី៥-បញ្ជីសម្ភារៈស្ដង់ដារសម្រាប់គម្រោងហេដ្ឋារចនាសម័្ពន្ធ
ទី៦-ការបំពេញទម្រង់ព័ត៌មានគម្រោង
ទី៧-គោលការណ៍ណែនាំ សម្រាប់គណនាតម្លៃប៉ាន់ស្មានគម្រោង
ទី៨-កិច្ចប្រតិបត្តិការ និងការថែទាំគម្រោង
ទី៩-គោលការណ៍ណែនាំ សម្រាប់វិភាគផលប៉ះពាល់បរិស្ថាន
ទី១០-គោលការណ៍ណែនាំ សម្រាប់ការរៀបចំរបាយការណ៍សិក្សាដីធ្លី និង
ទី១១-គោលការណ៍ណែនាំ ស្ដីពីសុវត្ថិភាពជនជាតិដើមភាគតិច ។ដោយ៖(សាមិត្ត កន្និកា)
