ស្ទឹងត្រែងៈរថយន្តសាំយ៉ុងដឹកឈើរៀបជាក្បូនដង្ហែរដូចបុណ្យកឋិនត្រូវគេសង្គេតឃើញបានធ្វើចរាចរណ៏
យ៉ាងអនាធិបតេយ្យបំផុតចេញពីខេត្តស្ទឹងត្រែងឆ្លងកាត់កុងត្រូលត្រួតពិនិត្យចម្រុះឆ្ពោះទៅកាន់គោលដៅដោយ
គ្មានសមត្ថកិច្ចចម្រុះចេញបង្ក្រាបតែបែរជាដើរចេញអស់ទុកអោយរថយន្តដឹកឈើទៅបានដោយរលូន។
ជាក់ស្តែងកាលពីយប់ថ្ងៃ១៦មករា២០១៧មានរថយន្តប្រភេទសាំយ៉ុងដឹកឈើចំនួន៦គ្រឿងតម្រៀបជាជួរៗ
ចេញទៅដោយឆ្លងកាត់កុងត្រូលត្រួតពិនិត្យចម្រុះ ស្ថិតនៅចំណុចហួសផ្លូវបំបែកចំការម៉ៃសាក់ចំងាយប្រហែល
៥០០មែត្រ ក្នុង ភូមិរាជានុកូល សង្កាត់ ស្ទឹងត្រែងក្រុង ខេត្តស្ទឹងត្រែង។ ប្រភពព័ត៌មានបានអោយដឹងថារថយន្ត
ដឹកឈើជាច្រើនគ្រឿងគឺបានដឹកចេញពីចំនុចវាលដេញ ក្នុង ស្រុក ថាឡាបរិវ៉ាត់ ខេត្ត ស្ទឹងត្រែង ។ ហើយគេសង្ស័យ
ថាក្រុមឈ្មួញបានរត់ការទៅអោយសមត្ថកិច្ចណាដែលនៅតាមដងផ្លូវពីចំណុចផ្តើមចេញរហូតដល់ចំនុចគោលដៅត្រូវ
ទម្លាក់ចុះទើបបានជាសមត្ថកិច្ចគ្មានវិធានការទប់ស្កាត់ហើយជាពិសេសនោះទីតាំងដែលមានកុងត្រូលត្រួតពិនិត្យចម្រុះ
ស្ថិតនៅចំនុចខាងលើនោះមិនអាចឃាត់រថយន្តដឹកឈើនេះបានឡើយមិនដឹងថាមកពីមូលហេតុអ្វីឃើញតែរថយន្តដឹក
ឈើមកដល់ភ្លាមនាំគ្នាគេចចេញទអស់ទុកអោយរថយន្តដឹកឈើទៅបានដោយកំលាំងទឹកប្រាក់របស់ឈ្មួញ មិនខ្វល់
ពីព្រោះអ្វីៗវា យល់ចិត្តគ្នាអស់ហើយ។លោក សៅ វុត្ថា មេបញ្ជាការអាវុធហត្ថ ក្រុងស្ទឹងត្រែង បានប្រាប់តាមទូរស័ព្ទ
អោយដឹងថា នៅទីតាំងនោះមានកម្លាំងជាច្រើនប្រភេទ ហើយកម្លាំងរបស់លោកដាក់នឹងដាក់តែពេលយប់ទេ
ដោយពាក់ព័ន្ធនឹងរឿងចោរកម្ម នឹងបញ្ហាផ្សេងៗកម្លាំងរបស់លោកត្រូវតែត្រួតពិនិត្យ។ ហើយលោកមេបញ្ជាការបាន
បន្តទៀតថាបើពាក់ព័ន្ធនិងរថយន្តដឹកឈើទាល់តែសួរជំនាញមេព្រៃឈើទើបបានដឹង។
លោក ហ៊ុន សំអឿន នាយរងសង្កាត់រដ្ឋបាលព្រៃឈើអូរពងមាន់បានអោយដឹងថា កម្លាំងជំនាញមិនបាននៅកន្លែង
ត្រួតពិនិត្យនោះទេ ហើយលោកក៏បានដឹងថាកម្លាំងរបស់លោកទៅណាដែរ លោកថាបើចង់ដឹងច្បាស់ទាល់តែសួរ
អភិបាលក្រុង។ លោក អីវ ចិន្តា អធិការរង ក្រុងស្ទឹងត្រែង និង ជាប្រធាន គោលដៅត្រួតពិនិត្យចម្រុះបានអោយដឹងផង
ដែរថាអោយសួរទៅអភិបាលក្រុងទៅ ព្រោះខ្ញុំជាកូនចៅគេ លោកថាអភិបាលក្រុងជាអ្នកហត្ថលេខាលើការងារហ្នឹង។
ទាក់ទងទៅនឹងរឿងនេះដែរលោកបុណ្ណារីអិបាលក្រុងស្ទឹងត្រែងក៏បានអោយដឹងដែរថាគោលដៅដែលដាក់ត្រួតពិនិត្យ
អាវុធជាតិផ្ទុះអត់មានគោលបំណងអីទេអាហ្នឹងវាជាគោលបំណងរបស់ខេត្តគាត់ដាក់ចឹង។ប៉ុន្តែប្រជាពលរដ្ឋបាននិយាយថា
សូមមន្រ្តីជំនាញ ឬសមត្ថកិច្ចពាក់ព័ន្ឋក៏ដូចជា អាជ្ញាធរ គួរតែនាំគោរពច្បាប់ទើបជាគំរូល្អដល់ពលរដ្ឋផងដែរ៕
