បាវិត ៖ កាលពី ថ្ងៃទី៦ខែតុលាឆ្នាំ២០២២ នៅលើផ្លូវជាតិលេខ១ ត្រង់ចន្លោះគីឡូម៉ែត្រលេខ ១៥៨និង១៥៩ ស្ថិតក្នុងភូមិត្រពាំងប្លុង សង្កាត់បាទី ក្រុងបាវិត ខេត្តស្វាយរៀង មានករណីគ្រោះថ្នាក់ចរាចរណ៍មួយ បណ្តាល អោយកម្មករ១នាក់ស្លាប់ភ្លាមៗ នៅកន្លែងកើតហេតុ គួរអោយរន្ធត់អាណោចអាធ័មជាទីបំផុត ។
បុរសដែលស្លាប់មានឈ្មោះ ម៉ុត សាម៉េត អាយុ៤០ឆ្នាំ ជនជាតិខ្មែរ មុខរបរកម្មករសំណង់ មានទីលំនៅភូមិច្រកម្ទេស សង្កាត់ច្រកម្ទេស ក្រុងបាវិត ខេត្តស្វាយរៀង ជិះម៉ូតូម៉ាកហុងដាឌ្រីម សេ១២៥ ពណ៌ខ្មៅ ពាក់ស្លាកលេខ ស្វាយរៀង 1M-0043 ខូចខាតយ៉ាងដំណំ។
ចំណែកអ្នកបើករថយន្តត្រូវបានសមត្ថកិច្ចឃាត់ខ្លួនមានឈ្មោះ ឈួន ឌី អាយុ៣៩ឆ្នាំ ជនជាតិខ្មែរ មុខរបរបើកបររថយន្ត មានទីលំនៅភូមិជើងដឹក ឃុំប្រាំយ៉ាម ស្រុកស្រីសន្ធរ ខេត្តកំពង់ចាម បើករថយន្តម៉ាក HYUNDIA ពណ៌ស ពាក់ស្លាកលេខ ភ្នំពេញ 3C-0499។
