ខេត្តកំពង់ស្ពឺ៖ បច្ចុប្បន្ននេះបទល្មើសព្រៃឈើនៅក្នុងខេត្តកំពង់ស្ពឺបានកក្រើកទ្បើងវិញហើយ បន្ទាប់ពីមានការស្ងប់ស្ងាត់មួយរយះក្រោយពី សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានប្រកាសក៏ដូចជាដាក់បទបញ្ជាអោយ មន្ត្រីក្រោម ឱវាទការពារនៅព្រៃដែនអភិរក្ស។ ហើយជាពិសេសគឺជួរភ្នំក្រវ៉ាញ ស្រុកឱរ៉ាល់ ខេត្តកំពង់ស្ពឺនេះតែម្ដង តែផ្ទុយទៅវិញមន្រ្តីទាំងអស់នេះបែជាបើកភ្លើងខៀវអោយបទល្មើសទៅវិញដោយផ្គើន នឹងបទបញ្ជាប្រមុខ រាជរដ្ឋាភិបាល។
តាមការាយការណ៍ពីប្រជាពលរដ្ឋបានអោយដឹងថា៖សព្ទថ្ងៃនេះមានរថយន្ដខ្នាតយក្សប្រភេទភ្លៅប្រាំបានកំពុងមមារញឹកក្នុងការដឹកជញ្ជូនព្រៃឈើដែនអភិរក្សដែលគេកាប់អង្កន់ធ្វើជាប្រភេទអុសម៉ែតដឹកចេញហែរដូចកឋិនកាត់តាមមុខប៉ុស្តិ៍មន្រ្តីបរិស្ថានចេញយ៉ាងរលូនដែលប្រជាពលរដ្ឋសង្ស័យថាមន្ត្រីជំនាញទាំងនេះទទួលបានសំណែនពីឈ្មួញទាំងនេះទើបមិនដែលឃើញមានកាបង្ក្រាបទ្បើយ។ប្រភពពត៏មានបានបន្តថា ប្រភេទរថយន្ដខ្នាតយក្សប្រភេទភ្លៅប្រាំទាំងនេះដែលត្រូវបានគេស្គាល់ឈ្មោះ លោក សាន ជាអ្នកកាងអោយរថយន្តដឹងឈើអត់ច្បាប់ទាំងនេះ ហើយក៏ជាអ្នកដើរសែនប្រែនអោយមន្ត្រីទាំងនេះផងដែរការដឹកជញ្ចូនរបស់ក្បួនរថយន្ដខ្នាតយក្យចេញពីចំណុចភូមិជាំឃុំត្រពាំងជោស្រុកឱរ៉ាល់ខេត្តកំពង់ស្ពឺដើម្បីយកទៅលក់តាមខេត្តនានា។ តាមការបញ្ជាក់ពីប្រជាពលរដ្ឋថា បើមន្ត្រីជំនាញរដ្ឋបាលព្រៃឈើនិងមន្ត្រីបរិស្ថាននៅតែដេកបិទភ្នែកអង្អែលក្បាលពោះក្នុងអង្រឹងបែបនេះដែនជំរកសត្វព្រៃជួរភ្នំក្រវ៉ាញ់ស្រុកឱរ៉ាល់នឹង ក្លាយជាវាលរហោឋានមិនខាន។ មិនតែប៉ុណ្ណោះប្រជាពលរដ្ឋឆ្ងល់ថា តើលោកអភិបាល នៃខណះអភិបាលខេត្តបានដឹងរឿងនេះដែរឬទេ៕
